{ SKIP }
文:MenClub 魏文青  
POSTED ON 08 Aug 2016
六月嘅時候就同大家講過集英社有意將踏入「完結篇」嘅《銀魂》發展成真人版電影,七月嘅時候仲證實咗係小栗旬飾演死魚眼主角「坂田銀時」、超低成本Cosplay電視劇《勇者義彥》、電影《變態假面》導演福田雄一執導。近日就公佈埋其他角色,當中仲有長澤雅美同梁烈……我指橋本環奈呀!


先講萬事屋嘅人選,本體是眼鏡嘅「志村新八」由出演過《幪面超人W》嘅菅田將暉飾演;第一女主角神樂就係橋本環奈!之於新八嘅姐姐,暴力陪酒女志村妙就係長澤雅美。


週邊人物方面,同為攘夷志士嘅「假髮」桂小次郎由另一個靚仔演員岡田將生出演。真選組組長兼志村妙跟蹤狂「大猩猩」近藤勲,就由小栗旬推薦嘅中村勘九郎出演。佢旗下嘅「鬼之副長」,又稱「十四」嘅土方十四郎,以及劍術第一嘅抖S沖田總悟則分別由柳樂優彌同吉澤亮飾演。

另外公佈嘅仲有機械工程師兼天才發明家「平賀源外」,由室剛(ムロツヨシ)飾演。




唔知你覺得個選角搞成點,但作者空知英秋接受訪問嘅時候就講過,無論真人版演員陣容有幾豪華,同原作都冇可能一模一樣,讀者亦一定會有唔滿意。不過既然已經決定咗要拍,就希望大家可以好好享受。佢甚至不諱言搵福田黎做導演,係因為見到佢執導嘅《勇者義彥》低成本得黎但又好好笑,所以想整蠱佢咁喎!既然都戴哂頭盔,好似又真係冇咩值得唔滿意嘅,就睇下你拍出黎會係點先啦!
ナタリー


憑出演《Euphoria》一炮而紅嘅Sydney Sweeney近年極速上位,接戲接到冇停手,更被封為新世代性感女神,隨住人氣上升,佢亦成為狗仔隊嘅跟拍對象。最近Sydney Sweeney接受訪問時就大呻,狗仔隊已經跟到去佢屋企,甚至 ...
hobby
【影視】Sydney Sweeney在家被狗仔隊騷擾 屋外大喊:你著Bikini出嚟俾我影咪走囉
04 Oct 2024
為支持兒子首部執導長片,三屆奧斯卡影帝Daniel Day-Lewis息影7年後再度回歸大銀幕,並會同阿仔一齊撰寫劇本。 現年67歲嘅Daniel Day-Lewis以精湛演技著稱,先後經憑《My Left Foot(無悔今生)》、《Th ...
hobby
【影視】三屆奧斯卡影帝Daniel Day-Lewis宣布復出!參演兒子執導新作《Anemone》
03 Oct 2024