{ SKIP }
文:李羅渣  
POSTED ON 30 Jul 2016

圖片:thesun


普巴天價愛回家講到似層層,尋日天空體育就話普巴已經喺邁亞密做緊體測,今日就宣佈埋返曼聯。祖雲達斯雖然有一定財力,不過飛來橫財一定身痕,佢哋都用咗9000萬歐元同拿玻里買咗希古恩,頂替俾皇馬回購嘅莫拉達。加埋同樣來自阿根廷嘅新星戴巴拿,免費加盟嘅丹尼爾艾維斯、羅馬嘅波斯尼亞中場比真歷,祖記真係粒粒皆星,有幾位仲要係意甲競爭對手嘅主力,新球季祖雲達斯胃口都可以話幾大。


圖片:theguardian


希古恩上屆意甲威到震,單季入咗36球破埋意甲歷史紀錄,睇數字一定可以提供到同莫拉達咁上下嘅產量俾祖記,加埋祖雲達斯條黃金中場真係唔休無供應。不過點解最後埋單個價要成9000萬鎊,就真係要問返祖雲達斯同拿夏里個體育總監啦。始終希古恩同拿玻里之係得返一年約,而且又年紀唔細,咁都出咁高價,明顯係為求斷主要競爭對手一臂不惜一切,想壟斷多幾年意甲囉,買埋比真歷都係咁解咋嘛,當然歐聯就一定係祖記另一大目標啦。


圖片:goal.com


成單交易邊個最唔開心?拿玻里當然係啦,話就話9000萬歐元代代平安,不過報導話祖記會分兩期找數,即係拿玻里今個夏天都唔係特別多彈藥買人,諗下買邊個頂希古恩當然夠煩,仲要諗計說服打完歐洲國家盃人氣急升嘅咸錫都係艱巨任務,唔止阿仙奴同車路士想搵佢過檔,連德甲班霸拜仁慕尼黑都同佢傾過計,如果唔好彩連咸錫都走埋,意甲真係祖記玩晒,拿玻里唔愁就有鬼。另外最唔開心就肯定係阿仙奴啦,特別係球迷,出到基奧特同5000萬歐元都買唔到,一個球員險簽兩次,塊面都唔知擺去邊。


圖片:juventus


講開祖記,今日四點佢哋嚟咗香港大家都知啦,今日四點佢哋就會同南華打友賽,有飛你梗係可以入場啦,無飛就真係要搵下乜嘢台有直播啦,因為唔多見有乜台話會播。而入場嘅朋友真係飲多啲水,天時暑熱唔好搞到中暑,注意身體啦。


李羅渣 (facebook page: https://www.facebook.com/leerogerfcpage/) \

八十後、忠實曼聯球迷、唔忠實嘅愛華頓球迷、前網台節目主持、Menclub足球文章作家、演員

由懶到出汁變成泰拳愛好者

除咗足球最鍾意就係睇戲、睇書、飲兩杯

唔求發大達,最想成為有些少生活品味嘅偽文青。

由鬼才導演Quentin Tarantino製作嘅《Once Upon a Timein Hollywood(從前,有個荷里活)》近日傳出開拍續集,但今次將由《Fight Club》導演David Fincher接棒執導,而QT只係負責劇本,Brad Pitt將會回歸主演。 ...
hobby
【影視】《從前,有個荷里活》宣布推出續集!David Fincher接棒執導、Quentin Tarantino操刀劇本
03 Apr 2025
經過多年等待,任天堂終於喺尋晚「Nintendo Direct」直播活動公開Nintendo Switch 2所有資訊,確定新機將於6月5日正式發售,香港售價為HK$3,450,詳情請細閱下文。 iframe width="560" height="315" src="https ...
hobby
【電玩】Nintendo Switch 2發布會懶人包!硬件規格、首發遊戲陣容、售價全曝光
03 Apr 2025