{ SKIP }
文:MenClub 魏文青  
POSTED ON 01 Aug 2016
上次我先問,究竟「EVA色哥斯拉」同「哥斯拉色EVA」呢條橋可以玩幾耐。答案係的而且確玩得唔耐,但為咗宣傳《新.哥斯拉》,東寶同庵野秀明真係去到好盡!佢哋最新出嘅,竟然係一隻「哥斯拉身嘅EVA」,就算你唔欣賞佢個設計,你都要欣賞佢哋嘅勇氣!


呢隻「エヴァンゲリオン初号機“G”覚醒形態」,設計理念係來自一隻感染咗「G細胞」嘅初號機。所謂「G細胞」就即係哥斯拉嘅細胞,有極強再生能力,但如果被其他生物攝取,G細胞會反過黎控制生物而且怪獸化。換言之,呢隻「G”覚醒形態」就係一隻怪獸+暴走形態嘅初號機。而整個身軀基本都已經係「哥斯拉化」,背上有棘鰭之外仲有條尾,剩餘嘅四肢同頭部亦有不同程度嘅怪獸化。


例如四肢捨棄原有嘅金屬感,轉為較粗糙嘅質感,與身軀嘅交接部份亦有加上「鱗片化」。頭部方面除咗張開咀大叫之外,亦生出咗哥斯拉嘅獠牙。


呢隻「G”覚醒形態」屬於「東寶30cm系列」,成隻高38cm、長36cm,售價為32400Yen,即係大約2400HKD。即日起開始接受預訂,預計1月出貨。
ゴジラ対エヴァンゲリオン 東宝30cmシリーズ エヴァンゲリオン初号機“G”覚醒形態
由金像大導James Cameron操刀嘅《阿凡達:火與燼(Avatar: Fire and Ash)》將於下月正式上映,但佢最近接受訪問時就坦言,若然今集賺得唔夠多、無法說服迪士尼再投資。咁佢就會放棄拍攝第4及第5集,改為寫一本書交 ...
hobby
【影視】 James Cameron直言《阿凡達3》若票房未達標 或終止後續電影改為寫書交代故事
28 Nov 2025
為慶祝高達全新官網GUNDAM Official Website正式上線,官方自10月10日起展開特別企劃《全世界高達總選舉2025》,邀請全球Fans票選出世上最受歡迎高達。隨住投票將於12月25日截止,近日官方公布中期結果Top 20名單, ...
hobby
【高達】《全世界高達總選舉2025》中期結果出爐 SEED系列機體強勢佔多席位
28 Nov 2025