{ SKIP }
文:李羅渣  
POSTED ON 25 Jun 2016

圖片:sports.ndty


歐洲國家盃新賽制好定唔好就仲有排講,不過好肯定新賽制令球迷少咗好多遺憾,除咗伊巴謙莫域啦。今晚開始十六強就開打喇,不如睇下十六強有乜嘢話題之戰呢?


圖片:Goal.com

克羅地亞對葡萄牙(香港時間6月26日凌晨3時)

要不是新賽制照顧你們!你們現在就無C朗睇了。葡萄牙分組賽不敗,不過三戰全和入十六強都好無說服力下。雖然葡萄牙有慈善球王C朗拿度在陣,仲有歐國盃表現出色嘅前曼聯翼鋒蘭尼,不過克羅地亞近年人賽輩出,分組賽最後一去場仲殺低埋西班牙出線。重視整體嘅克羅地亞,要驘葡萄牙入八強唔會太困難嘅。


圖片:BBC

法國對愛爾蘭(香港時間6月26日晚上9時)

2010年世界盃外圍賽翻版,當年亨利一個疑似手球入波就斷送愛爾蘭殺入南非世界盃嘅心願。愛爾蘭實力無特別增長,迎戰有主場之利而且陣容幾完整嘅法國都無乜甜頭架啦。但呢場波花生指數一定高企,淨係睇愛爾蘭復仇記都夠過癮


圖片:goal.com

意大利對西班牙(香港時間6月27日凌晨12時)

呢次就係上屆決賽翻版,不過雙方都今時唔同往日,一樣褪色中。意大利今屆被外屆一致睇死,點知沿用祖雲達斯體系,帶住一班實而不華嘅意兵一樣打出水準,最開心除咗意大利迷,就一定係干地下一站車路士嘅球迷。至於西班牙就有剛被皇馬啟動回購條款嘅莫拉達開始入局,近兩場已經入咗3球波,有外國球迷戲稱呢場係祖雲達斯對皇馬巴塞聯隊,可想而知幾有睇頭。


圖片:skysports

英格蘭對冰島(香港時間6月27日凌晨3時)

要留意嘅唔係英格蘭,而係冰島,你點會諗到冰島可以喺實力強橫嘅F組拎到1勝2和5分出線,真係有少少神奇球隊嘅味道,英格蘭就講到口臭,對比冰島係有實力,不過輸在個領隊唔夠班,如果你都英迷,應該都會望英格蘭輸波,因為江湖傳聞英格蘭足總同鶴臣續約嘅條件就係入到八強。


李羅渣(facebook page: https://www.facebook.com/leerogerfcpage/)

八十後、忠實曼聯球迷、唔忠實嘅愛華頓球迷、網台節目主持、Menclub足球文章作家、演

由懶到出汁變成泰拳愛好者

除咗足球最鍾意就係睇戲、睇書、飲兩杯

唔求發大達,最想成為有些少生活品味嘅偽文青。

近來兩部超級英雄電影《Superman》及《Fantastic Four: First Step》嘅票房成績都非常唔錯,前者最近更打破紀錄,成為歷史上北美票房最高嘅超人電影。不過電影嘅海外票房就頗為疲弱,可能會限制電影總票房成績。 ...
hobby
【影視】《Superman》破超人電影票房紀錄 但海外票房疲弱難進一步提升?
31 Jul 2025
Pokmon卡牌手機遊戲《Pokmon TCG Pocket》最近推出全新卡包「天與海的指引」,但其中一張卡牌「鳳王ex」因為涉嫌抄襲中國繪師嘅同人作品,引起玩家們熱烈討論。官方隨即為對此公開致歉,承認在製作過程中有所疏忽, ...
hobby
【電玩】《Pokémon TCG Pocket》卡牌「鳳王」涉嫌抄襲中國繪師 官方公開致歉:誤將參考資料當正式文件
31 Jul 2025