{ SKIP }
文:MenClub 魏文青  
POSTED ON 16 Jun 2016

做男人,好多時都有榜樣要學,例如玩Figure要學古天樂、玩女要學陳冠咳嗯、玩車就一定要學郭富城。講開城城近排頻頻見報,不過就唔關佢啲緋聞、甚至唔關《寒戰2》事,係關佢買咗部唔出得街,帶唔到返屋企,淨係用黎片,極度唔實用,但你同我都好羨慕妒忌恨嘅法拉利FXX K。

其實唔使恨嘅!如果你想緊隨佢嘅腳步買部FXX K,依家只需四舊水咋!



講緊嘅當然係呢部由TAMIYA(雙星)出嘅1/24模型!賣點係超仔細嘅造功,無論係外表以至到內籠足本呈現。兩邊車門以及車尾引擎蓋都可以打開,除咗可以見到法拉利嘅特式軚盤,仲可以一窺6.2L V12引擎嘅全相,配合埋專用貼紙(另售)仲可以變成碳纖紋!官網仲有教你用咩色塗裝添!


比起城城嗰架,呢架雖然細啲,但平勁多之餘仲真係可以帶返屋企!輪實用度可能係你贏添呀!架車11號起已經於日本開售,香港就睇幾時有人入貨啦。
Tamiya
Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025