地上最強男人齊來慶祝「悟空之日」

文：MenClub 魏文青　　
POSTED ON 09 May 2016

又係問答環節：琴日係母親節，咁今日係咩日子？母親節翌日？星期一？Well你唔算錯，但作為MenClub嘅讀者，又點可以答啲咁行嘅嘢呢？所以由今日開始，你哋要記住5月9日係「悟空之日」！

5月9日因為日文讀音同「悟空」嘅日文讀音相似，所以由上年開始就被定為「悟空之日」。不過唔好以為佢同我之前介紹過嗰啲咩「いいお尻日」，只係Twitter網友自High之作。「悟空之日」乃係得到日本紀念日協會(對於日本有呢個協會本身就已經係值得驚訝嘅事)認證，同「告白之日」、「呼吸之日」等等同為正式紀念日。上年嘅認定儀式仲請到悟空三父子嘅配音員野沢雅子老師出席添！
#悟空の日 on twitter
順帶一提，其實琴日除咗係母親節，仲係「悟飯之日(都係讀音似)」，而聽日就係「悟天之日(「Ten」)」，所以呢一連三日都係孫氏父子嘅紀念日黎架(雖然悟飯悟天冇認證)！咁知道咗對你嘅人生有咩幫助？其實冇架，但你唔覺得見到悟空就開心啲嘅咩？