第一條：昅女只是四份一「望聞問切」唔少得

望者，「昅」也。呢部份大家每日都練習所以唔講啦，但往後嗰三步你又知唔知係咩？「聞」者，注意也。變態佬同男神嘅最大分別，就係你昅條女嘅同時，條女有冇昅返你！要避免成為變態佬，你就要喺外表、行為上展現你嘅魅力，然後進入下一步，「問」！大家互通姓名，問下啲基本問題(「去你到？定去我阿媽到？」)，進一步了解對方，擇個良辰吉日「切」佢中路！出返黎！再入多次！如是者出出入入若干次之後先算完成哂成個求偶階段。咁你話一世人都停喺「望」呢個階段、淨係求四份一偶又點算係真男人呢？

第二條：今時今日齋剪髮，係唔夠架

想女仔回望你，個髮型當然就唔可以Hea。但好多男人以為久唔久去剪次髮就算係打理咗，但蔡瀾先生曾經寫過，男人剪髮嘅最高境界，就係剪完人哋都覺得你冇剪。簡單啲，就即係個髮型係要長期保持喺最佳狀態。而要達到呢個效果，剪髮只係第一步！你仲要確保自己有頭髮；然後，我哋之前都講過染髮嘅重要；再者，友台某專家亦都示範過Gel頭嘅威力係可以令毒男變成架仔…所以剪髮只係搞掂咗成個頭嘅四份一，數量、顏色、造型都好重要架！

第三條：全「面」打理　眼耳口鼻要做足

OK，搞掂咗個頭，就係時候搞下塊面啦。嗱你塊面上有「眼耳口鼻」四樣嘢。你就以為刷下牙，剃下鬚就當打理咗？其實只係搞掂咗「口」呢四份一！「眼耳鼻」你都冇搞過！例如其實你堂眉已經跨越眉心連成一線，就係時候修修佢；隻耳污糟到會令甜言蜜語都變粗言衊語，亦麻煩你撩撩佢。而且最重要係啲鼻毛呀！叉哂出黎隨風飄蕩，係就係充滿生命力，但樣衰呢大哥！你唔剪都塞返入去呀！做個十全男人就唔好淨係顧住個「口」呢四份一，仲要打理埋「眼耳鼻」呢四份三呀！

第四條：就是開不了口讓她知道…

講開個口，你都唔好以為一早一晚刷下牙就算清潔咗－－何況有人連一早一晚刷牙都做唔足？你諗下個口咁大，啲牙其實只係佔咗其中1/4到，另外嗰3/4其實你掂都冇掂過－－即係一間屋，你日日抹個門口就當自己打掃咗，而其實啲細菌就係另外嗰四份三到滋生，然後你就會有口氣，到你發現嘅時候就已經「開不了口」……

係呢個時候，你需要嘅就係一支李施德林漱口水！只要一早一晚刷牙之後用李施德李漱口水沖洗口腔30秒，就可以殺死99.9%口腔細菌，確保牙齦健康之餘，最重要係解決埋口氣問題－－唔好睇少呢個問題呀！有研究顯示口氣乃係男女第一次約會中最易被扣分嘅部份，一個唔該你就「呵」走咗一段大好姻緣架啦！所以記住做足全套，清潔埋口腔其他部份啦！

睇到呢到，你哋應該好清楚兩樣嘢－－第一，做男人，千祈唔好只做四份一；第二，就係呢篇嘢係由李施德林提供嘅！喂喂喂！咁又唔好走住！見你咁乖豬睇到尾，就介紹啲好嘢畀你啦！只要由即日起到3月31日前上李施德林網頁完成一個簡單遊戲，就可以即刻參加抽獎，頭獎會有25000「亞洲萬里通」里數(總共4份)、二獎都有2500「亞洲萬里通」里數(總共160份)，再唔係都有李施德林$5現金卷。而且每日都可以參加一次架！做個十全男人識到女之後仲有機票去旅行你話成件係幾咁天衣無縫呢真係！快啲把握呢幾日去抽啦！

遊戲網站：https://goo.gl/03pimo