Disney+ 今日於香港迪士尼樂園舉行「Disney Original Preivew」活動，並公佈咗一系列亞太地區影視作品。而對一眾遊戲迷黎講，最搶眼嘅消息就係Disney將會與小島秀夫合作，開發《Death Stranding》動畫《Death Stranding: Isolations》（暫名）。而且小島秀夫仲親自黎到香港為作品站台添。

《Death Stranding: Isolations》將由小島秀夫擔任監製、曾參與《七龍珠：神與神》、《劇場版 咒術迴戰 0》等著名動畫電影嘅Takayuki Sano執導。據指《Isolations》故事發生於遊戲同一世界，但就同遊戲故事本身無咩關係，將會講述兩名年輕男女嘅冒險故事。動畫部份則會交予E&H負責，並會以傳統手繪2D動畫製作。

不過目前除咗上面提到嘅情報，以及由在日俄籍插畫家Ilya Kuvshinov畫嘅概念圖之外，就未有其他情報。唔單止目前嘅標題只係暫名，甚至連播放日期都只知係2027年。相信要等後續更新先有更多詳情啦。

資料來源：Disney