台灣啦啦隊文化近年非常熾熱，除咗林襄、峮峮呢啲「土炮」，又有李多慧、李雅英、李珠珢等「韓援」。而除咗上述呢啲棒球啦啦隊之外，近日連籃球啦啦隊都有海外巨星加盟：台灣職業籃球大聯盟球隊「福爾摩沙夢想家」宣佈三上悠亞加盟旗下啦啦隊「Formosa Sexy」！

在 Instagram 查看這則貼文

@formosasexytw 分享的貼文

「福爾摩沙夢想家」今日於社交媒體發文，宣佈上季已經到台做過一日限定啦啦隊嘅三上悠亞將會正式加盟，成為球隊旗下啦啦隊「Formosa Sexy」嘅正式成員之一，並會於剩餘嘅常規賽主場比賽中「上陣」6次。

帖文一出就立即引起台灣網民哄動。於短短三個小時內就獲得超過2.2萬次讚好。留言處唔少人都已經呼朋喚伴話要去台中睇波。（「福爾摩沙夢想家」主場為臺中洲際迷你蛋）

圖片：@yua_mikami on IG

值得留意嘅係，賽程中「福爾摩沙夢想家」仲有14埸主場比賽，最遠去到4月都仲有，而球隊目前未公佈三上悠亞究竟會出席邊6場。所以如果想去追星嘅各位，記得留意球隊嘅後續更新啦。