之前我有為大家報導過，Sony因為騰訊遊戲《荒野起源》（Light of Motiram）疑似抄襲《地平線》（Horizon）系列而提告，而騰訊嘅其中一個反應就係更改《荒》嘅Steam頁面介紹及圖片，試圖與《地》拉出差異。不過最新法庭文件就指出Sony對此並不滿意，強調「損害已經產生」，仲駁斥騰訊啦嘅回應「荒謬無稽」(Nonsense)。

《荒野起源》（Light of Motiram）

卻說早前Sony向法院提告後，騰訊除咗更換Steam頁面素材之後，仲曾向法庭回應事件。據報騰訊曾經反指Sony「過度反應」，認為如《The Legend of Zelda》及《Far Cry》等遊戲都曾經使用過與《地》類似嘅元素，換言之呢啲元素只係「無所不見嘅通用素材」，咁《荒》都用埋一份係好合理嘅事。

但Sony就反駁指騰訊嘅立場係「荒謬無稽」，並指「損害已經產生，而且仍在持續」，同時引述遊戲業界記者及《地》系列Fans認為《荒》與《地》「極度相似」，係「完全抄襲」等說法作佐證。

《地平線》（Horizon）系列

同一時間，Sony亦向法院要求於本年底前頒發禁制令，禁止騰訊使用於《荒》中使用紅頭髮角色、又或與《地》相似嘅美術風格及故事設定。對此騰訊回應指《荒》預計要到2027年先推出，目前Sony根本無辦法證實《荒》會造成任何「有即時威脅的損害」，換言之缺乏要求法庭頒發禁制令嘅必要條件。

目前案件仍在發展。

資料來源：IGN