{ SKIP }
文:MenClub 艾力克  
POSTED ON 05 Jun 2025

向來創意十足嘅日本日清,為咗令Fans可以食到完美嘅元祖雞汁即食麵加蛋,佢哋用咗整整一年時間研發,終於製作出一款「黃色小雞」造型嘅專用泡麵碗—「しろたまメイカー(白玉製造機)」。呢款神器可以保證蛋白熟透但蛋黃保持軟滑,輕鬆做出完美嘅しろたま(白玉)效果!

即食麵喺日本飲食文化具有獨特地位,唔單止方便、易整又抵食,仲有好多人係真心鍾意食即食麵,甚至會諗好多方法令到個麵更加好食。其中一個備受歡迎做法就係加入生雞蛋一齊煮,整出所謂嘅しろたま(白玉),即係蛋白熟透但蛋黃就係半生,用筷子一夾,蛋黃就會流出同湯底融合,令味道變得更加豐富。不過,要做出完美白玉效果並唔簡單,你要好小心咁將生蛋放喺麵餅上,仲要好技巧咁倒滾水,稍為唔小心就可能沖散蛋白,影響賣相同口感。為咗令各位Fans能夠做出完美嘅加蛋元祖雞汁即食麵,日本就花咗一年時間研究出一款專用泡麵碗「しろたまメイカー(白玉製造機)」。

泡麵碗以吉祥物「黃色小雞」為造型,主要由三個部件組成,底層係放麵餅嘅豌、中層係一個能夠將熱水均勻淋落蛋白嘅花灑頭,而頂層就係一個令蒸汽對流得更好嘅蓋。而使用方法亦非常簡單,只要將麵餅放入豌,並向麵餅凹陷處加入生蛋,然後就可能蓋上中層加入熱水,熱水會透過花灑頭精準淋喺蛋白部分,避開蛋黃。最後蓋上頂蓋等3分鐘就食得!官方表示,佢哋喺過去一年試驗咗12款唔同形狀嘅「花灑頭」,先至搵到最完美嘅設計,確保每次都能整出靚靚白玉蛋。

目前呢款泡麵碗只送不賣,限量1,000個。如果有興趣又身處於日本嘅朋友,只需要購買一條5包嘅日清元祖雞汁即食麵,並到指定網站上傳收據,就可以參加抽獎。第一輪由即日起至7月31號,第二輪由8月1號至9月31號,每輪抽出500個幸運兒。想知詳情可以去日清官方網站了解更多

自從AI生成技術創作面世以後,即使係普通人都可以利用AI創作出頗有質素嘅作品,亦有人用黎滿足從小到大嘅創作夢。好似近日我喺IG發現嘅「pokidex_ai」咁,就利用AI生成技術創作真實風嘅Pokemon圖鑑,而且仲有好似當 ...
hobby
【趣聞】AI生成真實風Pokemon圖鑑 進化畫面超熱血
21 Jun 2025
想試玩《魷魚遊戲》嘅玻璃橋、朝聖草帽海賊團嘅梅利號、或者品嚐劇集主題美食?Netflix首兩間「Netflix House」主題體驗館將於今年底分別在美國費城及達拉斯正式開業,每間都佔地超過10萬平方呎,等劇迷可以沉浸喺Ne ...
hobby
【影視】Netflix House主題體驗館今年底美國開幕 10萬平方呎重現劇集經典場面
20 Jun 2025