{ SKIP }
文:MenClub 艾力克  
POSTED ON 07 Mar 2025

話說喺2021年嗰陣,CW電視台曾計畫拍攝一套《飛天小女警》真人版劇集,但由於內部試映反應不佳,加上女主角「花花」演員突然劈炮唔撈,最後官方決定腰斬整個項目。最近網上就突然流出當年所拍攝嘅預告片,簡陋特效及廉價造型隨即引嚟網民熱烈討論,並紛紛表示「取消得好!」

呢段從未曝光嘅預告由YouTube頻道Lost Media Busters流出(目前已被華納兄弟以侵權為由下架),內容大致上同CW當年公布嘅故事設定相同,講述花花(Blossom)、泡泡(Bubbles)、毛毛(Buttercup)三姐妹多年前意外殺死魔人啾啾(Mojo Jojo)後,就決定引退唔再做小女警並各散東西,花花出走他鄉、毛毛轉行做消防員,而泡泡就變成酒鬼兼搬到荷里活打拼。事隔7年,魔人啾啾個仔「啾啾二世」成功上位做咗小鎮村市長,並開始展開佢嘅復仇大計,暗中布局陷害尤塔尼恩教授,迫使三姐妹重出江湖。

據外媒《Variety》引述CW內部人士爆料,證實該預告確實嚟自當年拍攝素材,但強調電視台腰斬劇集前根本冇剪輯過正式預告,仲話今次流出片段嘅質素絕對未達CW標準。消息人士猜測,由於CW有時會將預告外判畀第三方公司製作,所以今次流出嘅片段可能係CW「唔收貨」嘅其中一個版本,又或者係當初為洛杉磯內部試映會、聖地牙哥動漫展(SDCC)等活動而製作嘅宣傳片。

備用片源:

 
由Scarlett Johansson主演嘅《侏羅紀世界:重生(Jurassic World: Rebirth)》上周於全球各地陸續上映。雖然已經係「侏羅紀」系列第7部作品,但號召力依然強勁,首周全球票房已經衝破3.18億美元!Scarlett Johansson ...
hobby
【影視】《侏羅紀世界:重生》開畫全球勁收3.18億美元!Scarlett Johansson榮登影史最高票房演員
08 Jul 2025
Netflix人氣劇集《今際之國的有栖》第3季,今日一口氣公開前導預告、劇情大綱及演員陣容,除咗山崎賢人、土屋太鳳、三吉彩花等原班人馬回歸,今次仲加入咗唔少新面孔,預計今年9月25日正式播出。 iframe width="5 ...
hobby
【影視】《今際之國的有栖》第3季正式前導預告出爐!有栖為救宇佐木重返「今際之國」
08 Jul 2025