《嚦咕嚦咕新年財》作為香港經典賀歲片，相信大家已經唔知翻睇過幾多次，甚至台詞都倒背如流。最近「麻雀大俠」德華所住嘅豪宅就被發現正在放租，每月租金為50萬港元，唔知有冇生性仔想租嚟畀阿媽住呢？

據樓盤網站介紹，該豪宅位於石澳郊區大浪灣道16號，實用面積達4000呎6房5廁，而且仲有一個巨型花園及游泳池。雖然屋內裝修已全數翻新，但屋外仍然保留了當年嘅拍攝風貌，不禁令人諗起梁詠琪同奶奶Bonnie姐打牌嘅場景。若然可以一邊飲住「過期利賓納」，一邊睇住個海景，你都咪話唔嘆呀。