全球機迷引頸以待嘅《GTA 6》如無意外將於今年秋季正式發售，相信唔理賣到幾貴，唔少玩家都會立即表示：「Shut up and take my money！」近日就有分析師估計，遊戲開放預購後即可創造10億美元營收，上市一年後營收更有望高達32億美元...

據外媒《Financial Times》引述市場調查機構DFC Intelligence報導，有鑑於《GTA》系列超強人氣，加上玩家們超過10年時間等待，《GTA 6》有望在預購期間就能創造超過10億美元驚人營收（BTW:當年《GTA 5》正式發售3天後先破10億），並在正式發售一年後達到32億美元，成為2025年甚至有史以來最大規模娛樂產品之一，超越任何電影、劇集及遊戲。與此同時，由於《GTA 6》最初會率先在PS5及Xbox Series X/S平台推出，PC版仍然未有消息，預計Sony及Microsoft亦能從熱潮中分一杯羹。

對此，Take-Two執行長Strauss Zelnick向傳媒表示，佢從來唔會喺勝利出現之前就發表勝利宣言。不過，佢相信Rockstar Games將會推出一款傑出非凡嘅產品。