隨住Robert Downey Jr.回歸MCU、《復仇者聯盟》第五集正式更名為《Avengers: Doomsday》，意味RDJ飾演嘅「末日博士(Doctor Doom)」將取代原來嘅「征服者康」，成為新一任大反派。對此，Jonathan Majors就表示非常心碎，但仍渴望有朝一日能重返MCU。

「征服者康」男星Jonathan Major，去年3因涉嫌毆打當時女友被捕，並於同年12月被判襲擊罪及騷擾罪成，隨即遭到Marvel、經理人公司及廣告商火速割席，雖然最後唔使坐監，但個人形象及事業大受打擊。而Marvel亦只好重寫劇本，更邀請到RDJ回巢擔任末日博士，取代征服者康成為新任大反派。

對於被換角一事，Jonathan Major日前接受《TMZ》訪問時坦言：「我當然非常心碎，我好愛康呢個角色，但末日博士都好邪惡。」隨後，記者提到RDJ及「閃電俠」Ezra Miller亦曾經醜聞纏身，但最後都能夠東山再起以及保住飯碗，會否令佢覺得唔公平。Jonathan Major直言：「我認為大家都以耐性、好奇心及愛對待Downey與Miller，這是公平的，令佢哋能夠繼續發揮自己嘅藝術與創意，而我並沒有得到同等待遇...」最後Jonathan Major表示，如果Marvel同Fans想要，佢仍然非常樂意回歸出演征服者康。