廣受好評嘅《哥斯拉-1.0》繼6月無預警登陸Netflix後，如今官方宣布黑白版本《哥斯拉-1.0／C》亦將於8月1日正式上架。

GODZILLA MINUS ONE / MINUS COLOR IS COMING TO NETFLIX AUGUST 1 pic.twitter.com/Fy08Hvjm2R

— Netflix (@netflix) July 12, 2024

《哥斯拉-1.0》（Godzilla Minus One）由《STAND BY ME:多啦A夢3D》、真人版《寄生獸》導演山崎貴執導及編劇，神木隆之介及濱邊美波主演，故事背景設定在日本戰後混亂時期，講述哥斯拉嘅出現令情況雪上加霜，帶嚟前從未有嘅絕望，將整個國家從「零」推至「負一」嘅狀態。電影去年在日本上映後不久，官方特別加推一個黑白版本《哥斯拉-1.0／C》，同樣得到廣泛讚賞，而家Netflix都即將有得睇喇！

導演山崎貴曾表示，《哥斯拉-1.0／C》並非純粹將彩色畫面轉為黑白，而係希望以一種全新呈現方式，並對每個特效鏡頭進行細緻調整，創作出猶如黑白攝影大師風格嘅視覺效果。並盡可能深挖潛藏在拍攝檔案中嘅皮膚質感與風景細節，呈現出一隻令人毛骨悚然、宛如紀錄片般嘅哥斯拉，藉著去除原先色彩，為觀眾帶嚟一種全新嘅逼真感。