東寶哥斯拉70週年紀念電影《哥斯拉-1.0》去年上映後叫好又叫座，全球進帳1.1億美元票房，更擊敗多部荷里活大作奪得第96屆奧斯卡金像獎「最佳視覺效果」獎，然而香港及台灣卻遲遲未有上映消息，令一眾Fans等到頸都長埋。

最近官方宣布，《哥斯拉-1.0》將於5月3日起於串流平台Amazon Prime Video獨家放送，與此同時，《哥斯拉-1.0》黑白版《哥斯拉-1.0／C》、《真·哥斯拉》、《哥斯拉終極戰》以及《哥斯拉2000》等共30部日本哥斯拉電影亦將同日上架。但壞消息嘅係，以上電影僅限於日本地區Prime Video播放，目前未知電影會否進一步上架至其他地區Prime Video，否則大家想睇嘅話可能就要透過VPN等軟件誇區到日本觀看。

《哥斯拉-1.0（Godzilla Minus One）》由《STAND BY ME:多啦A夢3D》、真人版《寄生獸》導演山崎貴執導及編劇，神木隆之介及濱邊美波主演，故事背景設定在日本戰後混亂時期，講述哥斯拉嘅出現令情況雪上加霜，帶嚟前從未有嘅絕望，將整個國家從「零」推至「負一」嘅狀態。