{ SKIP }
文:MenClub 魏文青  
POSTED ON 16 Apr 2024

繼三集《侏羅紀公園》以及Chris Pratt主演嘅三集《侏羅紀世界》後,環球近日打算開拍《侏羅紀》系列嘅第七集(暫稱《侏7》),傳閒仲搵黎Scarlett Johansson做主角。不過據荷里活爆料人Daniel Richtman指,雖然開拍之期逼在眉睫,但目前環球影業仍然為男主角人選煩惱中,事關佢哋心儀嘅男星通通都婉拒出演。

據Daniel Richtman指,《侏7》將會有六位主角,當中三位係成年人,三位係青少年。而其中一位成年女性角色,即傳聞中Scarlett Johansson計劃出演嘅,將會整套戲嘅最重要核心,但其餘兩位成年角色目前就未有人選。據知環球影業曾經搵過Scarlett Johansson嘅《Avengers》拍擋Chris Hemsworth以及Chris Evans,但二人均已婉拒出演;另外會於James Gunn執導嘅新《Batman》電影中飾演Lex Luthor嘅Nicholas Hoult亦曾經係心水名單之一,但就因為拍攝《Superman》檔期而趕唔切。據知環球影業目前仍打算將《侏7》放到明年7月上映,換言之開鏡日期已經逼在眉睫,必須儘快搵到男主角人選。

而第三位成年角色,據知就會由近來自導自演電影《Monkey Man》(台譯怒火狂猴)嘅Dev Patel演出。《Monkey Man》同樣由環球影業發行,於北美上映獲得唔錯評價,亦令環球影業希望進一步與Dev Patel合作。至於三位青少年主角,據報就係「兩姊妹加姊姊男朋友」嘅組合,目前同樣未有公佈人選。

資料來源:Daniel Richtman 

除咗斬殺巨人,仲可以用嚟切菜!? 最近日本生活品牌GARRACK與人氣動漫《進擊的巨人》及刀具品牌「NiNJA」合作,以斬殺巨人神器「超硬質刃」為概念推出聯名三德包丁廚刀,在保留三德刀實用刀型前提下, ...
hobby
【動漫】GARRACK推出《進擊的巨人》「超硬質刃」造型三德包丁廚刀
24 May 2024
來自動畫《魔神英雄傳》嘅龍神丸雖然深入民心,但平心而論佢又矮又橫嘅「正方形」身材唔太符合傳統機械人審美之餘,亦令Cosplay龍神丸變成一個幾乎不可能嘅任務,因為根本無法還原比例之餘又塞到個人入去。不過近日 ...
hobby
【日本】日本Coser自製完美比例龍神丸裝 識行識走識舉手
23 May 2024