改編自美國作家Ernest Cline同名小說嘅《Ready Player One（挑戰者1號）》於2018年推出後大獲好評，當中數以百計致敬70、80、90年代流行文化嘅彩蛋至今仍為人津津樂道，唔少影迷都非常期待續集早日推出。

據外媒《Screen Rant》報導，2024年奧斯卡頒獎典禮結束後，Steven Spielberg出席環球影業舉辦嘅晚會，期間向傳媒表示自己今年唔會推出任何電影，並確實將以監製身份參與《Ready Player Two》製作。

由Steven Spielberg執導嘅《Ready Player One》叫好又叫座，全球大收6.07億美元票房，當年推出後已經立即引起大量有關續集嘅討論，隨住2020年原作者Ernest Cline推出續集小說 《Ready Player Two》，並宣布續集電影正處於開早期階段，更令影迷大為期待。值得一提嘅係，雖然Ernest Cline同Steven Spielberg先後確定續集電影「正在開發中」，但華納兄弟至今尚未正式落實會開拍。