著名遊戲製作人小島秀夫日前於「State of Play」活動上宣布，自己領軍嘅小島工作室將為PlayStation開發一款名為《PHYSINT》嘅動作諜戰遊戲，同過往嘅《Metal Gear Solid》完全無關，而係一個全新原創IP，預計完成《Death Stranding 2（死亡擱淺 2）》後便會正式投入開發。

小島強調新作將會匯聚全世界最頂尖嘅科技及人才開發，而劇情、主題、選角、服裝及聲效等方面將會達到電影級數，為機迷帶嚟前全新互動娛樂體驗，打破電影與電子遊戲之間嘅界線，並相信《PHYSINT》將會係佢遊戲開發生涯嘅巔峰之作，敬請各位期待。

考慮到《Death Stranding 2》2025年推出，加上小島出名慢工出細貨，預計《PHYSINT》最快都要等到2026-2027年先正式問世，或者會到時已經有PS6？並作為PS6首批打頭陣嘅遊戲。