《咒術迴戰》作者芥見下下曾於去年12月舉行嘅「JUMP FESTA 2024」暗示作品將於2024年完結，令Fans們非常好奇劇情未來走向。最近《咒術迴戰》編輯就表示自己已知故事結局，並認為非常有趣。

最近日本綜藝節目《海賊王におれはなるTV》去到集英社採訪，其中《咒術迴戰》編輯福田純也透露，芥見老師已經喺開會過程中向佢透露接下來所有劇情及結局，佢聽完後覺得「很有趣」，並話嚟緊幾周更新嘅章節將會非常瘋狂。而攝製隊仲影到福田純也正在編輯最新一話漫畫嘅畫面，幾位主持人睇完後不禁驚嘆「不妙！不妙！不得了的場面」「好厲害的場面」，不過螢幕部份已經過模糊處理，唔知下一話會有咩驚人發展呢？