【動漫】《名偵探柯南》30周年紀念展推出「小蘭隻角」髮箍

為慶祝經典漫畫《名偵探柯南》連載30周年，官方宣布明年1月12號起相繼於東京、福岡、札幌、仙台、大阪、廣島、橫濱、名古屋八個地區舉辦《連載30周年紀念 名偵探柯南展》，以6大展區回顧作品中出現過嘅經典台詞、人物關係以及歷代犯人等等，另外更設有「青山剛昌先生特別展示室」展示《名偵探柯南》初期設定嘅珍貴資料。

除此之外，展覽將販售亞克力架、毛巾、襟章、T-Shirt、鎖匙扣、貼紙、眼罩等一系列周邊商品，其中最有趣嘅莫過於「小蘭髮箍」及「柯南髮箍」，小蘭髮箍更忠實還原咗個隻尖到拮死人嘅「角」，售價為2200日元（折約$116港幣），有興趣而且下年會到日本旅行嘅朋友不妨留意一下。