上月底有消息指Marvel Studios正籌備《雷神奇俠 5》，並計劃尋找一名全新導演接手。對此，曾執導第三及第四集《雷神奇俠》嘅Taika Waititi日前就向傳媒曾口證實，即使Marvel開拍《雷神奇俠 5》，佢亦唔會回歸執導。

最近Taika Waititi為宣傳新作《Next Goal Wins》接受外媒《Business Insider》訪問時表示：「我都唔知《雷5》嘅傳聞係咪真，我只係知道我唔會參與其中，我嚟緊要專注於其他已經簽約嘅電影項目。」與同此時，佢亦非常樂見Marvel聘請另一位導演兼編劇接手：「我唔會覺得佢哋背叛我，我同Marvel就好似處於開放式關係，如果佢想同其他人見面（合作），我都會為此而感到開心，總有一日我哋會回到床上纏綿（合作）。」

事實上，Taika Waititi目前正忙於籌備一部科幻小說《Klara and the Sun》改編電影、一部由改編自Alejandro Jodorowsky同名圖像小說《The Incal》科幻電影，以及一部尚未命名嘅《星球大戰》外傳電影，無法抽出更多時間接拍其他項目。