唔知大家有冇印象，我哋上個月介紹過一位日本偶像叫「藤咲凪」，因為太過靚女而被網民質疑係AI假相，結果要親身出席電視節目以證清白。估唔到嘅係，佢最近突然公開自己係單親媽媽，隨即引起網民熱烈討論，不禁直呼現實版《我推的孩子》。

藤咲凪さん、リアル推しの子だった。。。
シングルマザーを初公表、子供は「3歳と1歳」

「私、実はシングルマザーをしていて（子どもが）2人います」と告白。「きょう初めて言うので、ファンの方とかは、たぶんザワザワしてると思う」と語った。pic.twitter.com/1Z1UIHnDU7

— 話題のツイ動画 (@itaiTikTok) August 20, 2023

「藤咲凪」日前出席電視節目《サンデー・ジャポン》，突然自爆自己係單親媽媽，分別有一名3歲同一名1歲嘅女兒，並喺節目上公開同兩位小朋友嘅生活片段，例如孭住阿女煮飯、同佢哋一齊食飯、氹阿女瞓覺等等，令節目主持人及嘉賓都當堂O晒嘴，同時喺網上引起熱烈討論。唔少網民都認為佢嘅經歷簡直係現實版《我推的孩子》，「リアル推しの子（現實版我推的孩子）」一詞更一度登上日本X熱搜。

暖かいお言葉、ありがとうございます……
涙が出ます????

正直、隠し通す という選択も自分の中でありました。
ですが憶測で色々言われてしまったり、嫌がらせなのか、匿名アカウントで子供の名前をコメントしてくる方がいたり、外出中に盗撮があったり等が続いていました…

公表するにしても…

— 藤咲凪 (@fujisakinagi) August 20, 2023

事後「藤咲凪」於X發文，表示近幾年嘅生活好似坐過山車咁起伏不定，有機會嘅話好樂意同大家分享返自己嘅故事，並坦言曾經想一直隱瞞落去，但因為有匿名人士留言公開女兒名字，同時出街時被偷拍，令佢感到非常困擾，所以決定自行公開此事，仲話講完出嚟成個人都鬆咗唔少，同時感激依然支持同愛護佢嘅Fans，未來會以母親及偶像身分繼續努力。