{ SKIP }
文:MenClub 魏文青  
POSTED ON 31 May 2023

3月時我哋就同大家報導過,日漫出版社集英社,似乎有意進軍目前由韓國主導嘅「條漫」市場。而昨日佢哋就正式推出條漫平台《Jump Toon》,除咗開設官方Twitter以及專用App之外,更舉行首次「條漫」徵選,冠軍將會獲得連載合約以及100萬Yen獎金。

集英社官網亦於昨日刊出《Jump Toon》總編輯淺田貴典嘅訪問。當中佢提到「條漫」目前雖然係韓國主導,但有部份日本漫畫家都開始創作「專為手機閱讀而設」嘅條漫,例如於日本「Line」上連載嘅《氷の城壁》,以及「少年Jump+」線上連載嘅《大巨人》等,反應仲非常唔錯。所以佢哋認為目前係進入條漫市場嘅「適當時間」。同時佢亦提到,目前日本整個「電子漫畫」市場規模大約為4500億Yen,而當中500至600億Yen就係條漫市場,所以條漫於日本係一個非常有增長力嘅年輕市場,出身於紙本連載嘅佢亦對條漫市場嘅發展感到相當興奮。

圖片:Shueisha

同時佢亦提到,雖然新平台冠上「Jump」之名,但《Jump Toon》上嘅作品並不限於「男性主角+特殊能力戰鬥」嘅題材,只要係「有個性的作品」,不論面對男性、女性定小朋友市場嘅條漫,都有機會登上《Jump Toon》。

資料來源:Shueisha

預計在明年夏天正式上映嘅《反斗奇兵5(Toy Story 5)》,近日流出一批疑似係劇照嘅渲染圖,隨住引起Fans們熱烈討論。事關相中唔見薯蛋頭先生及薯蛋頭太太嘅身影,令人擔心迪士尼會喺新一集刪走呢兩位經典角色。 ...
hobby
【影視】《反斗奇兵5》首批渲染圖曝光 薯蛋頭先生及太太或缺席今集?
09 Jul 2025
日本動漫文化於全球都有重大影響力,而隨住更多動畫登上各大串流平台,其受歡迎程度似水漲船高。近日Netflix就公佈最新數據,指出日本動畫嘅觀眾於過去數年間以倍數增長,到目前為止其全球訂閱者中有一半都會觀看日 ...
hobby
【影視】日本動畫成全球主流 Netflix指半數訂閱者近3億人觀看動畫
09 Jul 2025