最近任天堂公布2022年4月至2023年3月年度財報，數據顯示過去一年Switch系列主機全球銷售量為1,800萬部（一般版+OLED版+Switch Lite），較去年同期減少約四分之一，同時低於預期嘅2,100萬部，預計今個財政年度Switch銷售將會再跌16.5%至1,500萬部。

對此，社長古川俊太郎表示Switch已經問世7年，確實好難保持過往嘅銷售勢頭，但認為仍然有用戶增長空間，希望唔只每個家庭有一部Switch，而係人人都有一部Switch，並期望即將推出嘅《薩爾達傳說：王國之淚》能夠激刺銷量。

至於傳咗好多年、玩家們最關心嘅新主機，社長就明確表示今個財政年度唔會推出任何新硬件，換言之2024年4月1日前唔會有新機問世，但透露任天堂一直都開發緊新硬件（注意：無話係遊戲機），具體詳情無可奉告。