胡迪已經同牧羊女一齊浪跡天涯啦喎，唔知《Toy Story 5》仲有咩故仔可以講呢？

據外媒《Deadline》報導，去年11月回巢掌權嘅迪士尼總裁Bob Iger昨日於財報會議上宣布，公司將全面重組為3個部門，分別係負責影視作品及串流平台嘅娛樂部門、運動頻道ESPN部門，以及負責體驗、產品嘅主題樂園部門，同時透露將大裁7,000名員工，期望節省55億美元開支進行企業轉型。除此之外，Bob Iger透露公司正在製作《Toy Story》、《Frozen》及《Zootopia》等人氣動畫全新續集！

翻查資料，《Toy Story》系列4部電影合計票房高達30.3億美元，其中第3及第4集更勇奪奧斯卡最佳動畫片殊榮，《Frozen》系列2部作品合共票房則高達27億美元，而僅僅得一集嘅《Zootopia》亦唔輸蝕，斬獲10.24億美元票房並奪得2016年奧斯卡最佳動畫片獎項。