英國哈利王子自從娶咗Meghan Markle之後，就經常大爆皇室八卦黎吸引大眾注意。而繼早前上線嘅Netflix紀錄片《Harry & Meghan》之後，據報哈利王子仲會於明年初推出嘅自傳《Spare (後備)》中大爆自己失去處子之身嘅經過。而據推測，奪走佢處子之身嘅就係現年57歲嘅英國女演員Elizabeth Hurley。

《Spare》封面

卻說哈利王子將於明年初推出自傳《Spare》，當中會講述佢作為「王位後備繼承人」嘅生活，包括當年媽媽戴安娜王妃去世後，佢同哥哥、現任英國王儲威廉王子嘅經歷。而除咗呢個世界大事，書中仲會提到佢嘅隱秘私生活，甚至包括佢失去處子之身嘅經過。

據報書中提到，哈利王子嘅初夜，係發生於「郊外地區 (Countryside)」，而對象就係一名「美貌年長女子 (Beautiful older Woman)」。而憑住呢兩點，有傳媒就猜測奪去哈利王子處子之身嘅係現年57歲嘅英國女演員Elizabeth Hurley。

Elizabeth Hurley曾出演電影《凸務之王》

依家佢係咁嘅樣 (圖片：@elizabethhurley1)

2000年嘅Elizabeth Hurley

據《Insider》報導，Elizabeth Hurley曾經於英國東南部嘅告羅士打郡 (Gloucestershire) 擁有物業，而多位皇室成員，包括英王查理斯，以及安妮長公主 (查理斯妹妹、威廉及哈利嘅姑姐)等都於該區擁有物業。不過Elizabeth Hurley於上週末接受《Sunday Times》訪問時，就堅決否認自己係哈利王子嘅初夜對象：「唔係我，唔關我事。唔係，真係唔係，絕對唔係。」

《Spare》一書原定於今年出版，但因為英女王伊莉沙白二世嘅去世，所以推遲至明年1月10日發行。

資料來源：Insider、LA Times