雖然話目前釋出嘅情報、畫面，都令人「期待卻又怕受傷害」，但相信大家對於《THE FIRST SLAM DUNK》電影嘅上映，都係「期待」居多。而為咗幫電影造勢，發行公司羚邦映畫就會舉行一系列宣傳，當中包括旺角嘅「湘北五子」巨型海報，以及與Coach Fui嘅籃球挑戰！

先講旺角張巨型海報。其實如果你呢幾日落開旺角，如無意外應該都見到呢幅排喺銀行中心外牆嘅海報。作為電影於香港嘅首個大型宣傳品，海報上面有櫻木、赤木、流川、三井、官田等人嘅頭像，同大大隻字提醒你電影會於明年1月12日上映。大家行過就可以去打下卡啦。

而如果你嫌大型海報要隔條馬路影冇咩感覺，發行商亦於百老匯MOViE MOViE Cityplaza (太古城)，英皇戲院iSQUARE、康城、嘉禾院線the sky、stagE，mcl院線CINEMAS PLUS+ 荷里活戲院 (12月3至11日) 、德福戲院（12月12日起展示）以及Cinema City朗豪坊戲院展示五大主角嘅實體海報。

在 Instagram 查看這則貼文

MedialinkFilms 羚邦映畫（@medialinkfilms）分享的貼文

你話齋影相滿足唔到你，「安西教練我好想打籃球」嘅話呢，片方亦會於今個星期五，與《季前賽》籃球指導Coach Fui合作，舉行快閃籃球挑戰。屆時Coach Fui會於荔枝角公園籃球場 (12月10日5-7pm)、花墟籃球場(12月10日8-10pm)以及維園籃球場 (12月11日3-6pm)接受大家挑戰 ，參加者不限年齡之餘，仲有機會獲得電影神秘禮品。