從預告可見，澀谷已經變成雜草叢生嘅廢墟，男女主角山崎賢人及土屋太鳳繼續解謎闖關，尋找回到現實世界方法，而三吉彩花、朝比奈彩、村上虹郎等第一季生還者亦全數回歸。但講到最驚喜嘅，當然係飾演裸體藝術家「梅花K」嘅山下智久全裸上陣大曬精壯身材！另外，亦可以見到男女主角喺水中十指緊扣嘅畫面，似乎意味兩人感情進一步升溫。劇集將於12月22日正式上架。

除咗山下智久，曾喺《全裸監督》有大膽演出嘅恒松祐里亦會飾演新角色塀谷朱音，而《東京卍復仇者》「千堂敦」演員磯村勇斗則飾演精通心理學及邏輯分析嘅盤田素那斗，預計會喺遊戲「紅心J」大顯身手。