傻更更得嚟又萌爆嘅小呆獸向來深受Fans喜愛，曾經有廠商就推出過1.5米高嘅等大公仔，不過就得個擺字唔多實用。但如果轉做梳化，大家又有冇興趣呢？

曾推出過卡比獸、百變怪、耿鬼、木木梟梳化嘅日本傢俱品牌CELLUTANE，最近再次攜手Pokémon推出新作「小呆獸梳化」，除咗可以見到背墊部份還原小呆獸嘅五官及耳仔，梳化背面仲有一條大尾巴，感覺就好似坐喺佢個大肚腩上面。

「小呆獸梳化」高72cm、寬92cm、深101cm，重量約8.75公斤，外罩可機洗，售價為28,400日元（約$1,570港幣），目前已於CELLUTANE官網開放訂購。