學《少林足球》二師兄話齋「點解我生得咁靚仔，但係要甩頭髮！」，彷彿男士一旦脫髮，外表就立即扣分。但可能基於文化差異，外國人禿頭唔單只少啲機會畀人笑，更可以同「性感」扯上關係。

最近搜尋引擎最佳化(SEO)機構Reboot，從臉部黃金比例、Twitter輿論、淨資產、身高及顱骨光澤程度等多項因素，對多位光頭名人評分，整合出2022年「最性感光頭男士 Sexiest Bald Man」排行榜。

結果顯示，《狂野時速》系列男主角Vin Diesel成功以6.46分（10分滿），擊敗兩屆冠軍王儲威廉冠榮登榜首，《穿Prada的惡魔》男星Stanley Tucci則以6.33分緊隨其後，而美國演員Shemar Moore則排行第三。

機構更大讚Vin Diese頭部相當光澤，頭顱嘅反光亮度約莫係標準燈泡嘅70%。