{ SKIP }
圖:互聯網
POSTED ON 01 Sep 2022

燒肉相信無人不愛,個種油香實在好難抗拒。不過疫情之下想一班人燒肉好似都好有難度,既然係咁何不選擇一人燒肉?

來自日本東京嘅「燒肉Like」一人燒肉店,就不時推出非常吸引嘅肉品,而近日佢地就「期間限定」推出日本宮崎牛套餐,其中包括「宮崎牛上級肩肉」及「宮崎牛肩胛肉」,兩款都係頂級美味嘅選擇。

小編親身品嚐,一睇就見到肉品霜降分佈均勻,只要輕輕燒幾燒,岩岩見到佢轉熟放入口就最好食,每一塊都嫩滑非常,油脂豐富,肉味濃郁,無得頂。

其中上級肩肉部位,屬牛隻前肢的肩膀位置,數量極少,屬稀有部位,所以今次係限量供應的,要食就要快啦。

其實宮崎牛係日本最高品質嘅和牛之一,已經連續三屆蟬聯日本「和牛奧運會」冠軍,堪稱「日本和牛之首」!而喺宮崎縣內飼育嘅黑毛和牛,必須於霜降紋理、肉質結實程度、肉身色澤及脂肪色澤各個不同範疇,都拎到日本食肉格付協會 4 級以上評價(5 級為最高),先有資格被稱為「宮崎牛」。

同場加映:鹿兒島和牛西冷牛扒

選用日本鹿兒島牛隻背部脊骨附近、較少運動嘅部位,油脂非常豐富,肉質比一般較硬嘅紅肉柔嫩得多,絕對係入口即融! 

建議可以將和牛烤至面層略帶焦脆,咁就可以大大保持肉汁,絕對係食唔停!

宮崎牛期間限定供應

即日起至9月20日

繼《超級瑪利歐兄弟大電影》大獲成功及《薩爾達傳說》真人版電影計劃公開後,任天堂並無打算停低腳步,正準備將更多經典角色搬上大銀幕! 據外媒《IGN》報導,任天堂同環球影業最近為一部名為《Untitled Do ...
hobby
【影視】大金剛有望登陸大銀幕擔正主角?任天堂與環球影業註冊《Donkey Kong》電影項目
15 Jul 2025
《龍珠》嘅歷史悠久,代表相關嘅衍生作品,例如遊戲亦非常多。如果你一個Fans,或者會覺得要同時追N隻Game有啲麻煩,但有好多隻Game就同時亦代表有好多「週年紀念」及相關官方活動。好似近日《龍珠》嘅官方X繼今年2 ...
hobby
【動漫】龍珠手遊7週年 官方X抽悟空及菲利衣裝
15 Jul 2025