《鈴芽戶締》係一部以日本各地廢墟為題嘅公路電影，故事講述住喺九州偏鄉嘅17歲少女「鈴芽」（すずめ，日文有「麻雀」嘅意思），邂逅一位四處尋找「門」嘅少年。其後共同前往山上一座廢墟，並發現一道古老大門，鈴芽隨手將門打開後，日本各地嘅「門」亦逐一打開，隱藏於門後嘅災難隨即降臨，於是兩人便展開一場「關門之旅」，經歷各種驚險及困難後，鈴芽最終得到解放與成長。