{ SKIP }
文:MenClub 魏文青  
POSTED ON 31 Jul 2022

過往每逢六合彩頭獎好大注嗰期,號稱全港最「幸運」、歷年黎售出過47張頭獎彩票嘅中環士丹利街投注站都會大排長龍。不過對上一期金多寶時,唔少人特登去到中環先發現摸門釘。事關中環店當時正在翻新,未對外開放。日前中環店就終於完成翻新工程正式重開,而且加入大量生活休閒元素,除咗一般馬會服務外,仲有得食、有得玩、有嘢學仲有得打卡,成為中環嘅熱門去處!

翻新後嘅中環體驗店,門口一改馬會常用嘅藍色,而改成光鮮亮麗、充滿現代感嘅裝潢,亦展現體驗店與一般投注站嘅分別。地下大堂除咗擺放大家以前睇電視台都聽得多嘅「風車旋轉型電動攪珠機」(亦即上一代嘅攪珠機) ,大家可以沾沾好運打打卡之外,牆上亦設有全港獨一無二嘅「六合彩里程碑展示牆」,大家可以從中了解香港六合彩嘅歷史及發展經過。

而一樓及二樓就分別設有深受女士歡迎、非常適合大家「放低」女伴嘅人氣蛋糕店Lady M,以及以舊時英國賽馬場員工用黎溝通賠率嘅「Tic-Tac」手勢為主題、裝潢典雅型格嘅洋食屋Tic Tac Room。其中Tic Tac Room門外位置展示咗「Tic-Tac」手勢嘅解說,等大家一窺呢個「馬場神秘語言」嘅真實面貌。賽馬日時,客人亦可以透過E-concierge預約特備賽馬日餐飲,配合餐廳內嘅大電視,休閒地享受賽事每一刻。

樓高4層嘅體驗店中亦設有多個打卡位。例如一入門口就會見到嘅投注戶口服務區,就以近年流行嘅戶外露營車為主題,擺放咗優雅舒適嘅梳化,等大家可以於鬧市之中感受一下戶外旅行嘅休閒氣氛;而一樓Lady M外亦有搭配大型花牆嘅吊籃鞦韆,大家到訪之時不妨拎定手機出黎,因為女友要影相打卡嘅賠率幾乎係一賠一;二樓Tic Tac Room外就設有模擬過磅室,等大家體驗一下以往只能於電視睇到、騎師們完成賽事後過磅嘅過程。特別要留意佢個磅真係磅到重,如果你唔想公開自己嘅真實體重就要小心——又或者你可以選擇推女朋友上去,為生活增添些少刺激感。

除咗飲飲食食、打卡影相之外,中環體驗店亦會定期舉行各類特色DIY工作坊,大家可以於專業指導下發揮創意;同時店內亦會不定期舉行賽馬或足球聚會,可以同一班志同道合嘅朋友盡興一番。另外體驗店亦會邀請各類KOL,就時下熱門話題於店內舉行分享會,除咗係大家嘅學習好地方,亦可能係大家親眼見到IG女神們嘅好機會。店內亦會提供各式桌遊、甚至仲有PS5,配上超巨大電視幕牆,《FIFA》入面啲球員機乎大過真人,無論男士定女士都可以樂在其中,令中環店成為一站式休閒好去處!

中環士丹利街體驗店已經於今年7月正式開幕,如果你想知道中環體驗店內嘅活動、優惠、餐飲資訊,又或者見到鍾意的活動或者餐飲設施,都可以掃瞄以下嘅易維碼,於E-concierge預約,快快約埋朋友過黎一齊體驗啦!

自從Amber Heard於與前夫Johnny Depp嘅誹謗案中敗訴,大家除咗關心佢會唔會上訴、有冇錢賠之外,另一樣關心嘅就係原定有佢份、佢仲聲稱自己係重要角色嘅《Aquaman 2》,會唔會刪去Amber Heard嘅戲份,又或者乾脆換角 ...
hobby
【AH】外媒指《Aquaman 2》Amber Heard戲份會保留
08 Aug 2022
因出演美劇《Breaking Bad(絕命毒師)》而為人熟悉嘅「炸雞叔」Giancarlo Esposito今次唔想做反派,而係變種人領袖Professor X! 日前Giancarlo Esposito出席TJH Superhero Car Show Comic Con活動時 ...
hobby
【影視】「炸雞叔」Giancarlo Esposito透露曾與Marvel會面:我想飾演Professor X
08 Aug 2022