Netflix人氣動畫《SPY×FAMILY間諜家家酒》話咁快就播晒12集，但官方隨即宣布第一季Part.2將於今年10月播出，並公開最新前導預告！各位Fans耐心等下喇。

從預告可見，洛伊德家庭將會增添一位新成員，有著神秘身世嘅寵物狗「彭德」，而由高橋廣樹聲演嘅全新角色「奇斯·開普勒」亦會登埸。究竟狗狗嘅加入會帶嚟啲咩化學作用呢？等多3個幾月就有得睇！

《SPY×FAMILY》改編自日本漫畫家遠藤達哉同名作品，故事講述一名間諜為咗完成國家任務，維護世界和平，於是同一位女殺手以及一位識讀心術嘅小女孩組成臨時家庭，以便接近敵方首領。任務能否成功仍然係未知之數，但一家三口就搞出唔少笑料。