Netflix最成功一套劇集「魷魚遊戲」將韓劇帶向全世界，曾經短短28日締造觀看超過16.5億小時的輝煌記錄，成為Netflix史上最受歡迎劇集，故此肯定將會有第二季，今日Netflix正式宣佈確認第二季繼續由導演黃東赫加上主角「成奇勳」李政宰，黑面具男李秉憲等等繼續開展，不過而家先開始策劃估記要等到2023年底甚至2024年初先可以播出，唔知到時Netflix咩環境呢？大家又會唔會記得第一季「魷魚遊戲」的故事情節！

Netflix公佈新一季，順道導演黃東赫都特別寫信畀全球影迷，解釋呢部風靡全球的作品未來會點發展。導演黃東赫公開信全文如下：

主旨：新的遊戲即將開始

《魷魚遊戲》的企劃初想始於 12 年前，終於係上年開花結果，上線短短 12日就成為 Netflix 史上最受歡迎的劇作。作為《魷魚遊戲》編劇、導演、製作人的我，係呢度衷心感謝全球粉絲的支持和愛戴。感謝大家收看和喜愛《魷魚遊戲》。現在正式宣佈奇勳要回來了，(遊戲)負責人也要回來了。第2季即將到來。拿著畫片的西裝男說不定還會回來。也可以見到一二三木頭人娃娃英熙的男朋友哲秀。將以更加新穎的遊戲和驚人的故事再次與大家見面。

-《魷魚遊戲》的製作人、編劇、導演黃東赫

Hwang Dong-Hyuk writer, director, producer, and creator of @squidgame has a message for the fans: pic.twitter.com/DxF0AS5tMM

— Netflix (@netflix) June 12, 2022

上面封信就講哂第二季有咩初步想法， 導演黃東赫已經確認主角「成奇勳」李政宰，黑面具男李秉憲，都將回歸。同時黃東赫仲透露，除左大頭娃娃英熙的男朋友「哲洙」會登場，孔劉客串的神秘西裝男（ddakji）都有可能會回歸。劇集上架日期未定，目前推估會在 2023 年底或 2024 年初公開。唔知到時過左咁耐仲有無人記得第一季！