記得當年玩SEGA Saturn定PlayStation係各有所好，而最後PlayStation第一代成功創下銷售1億台之紀錄，亦係遊戲史上第一款達成紀錄遊戲主機。如果PlayStation曾經係你童年回憶，不妨就買下呢個最新推出「PlayStation1:1收納袋」，一袋旁身懷念美好時光，回憶即刻返哂嚟！

今日介紹呢款「PlayStation1:1收納袋」，外觀同尺寸都跟足完全仿造出一代PlayStation模樣，除左重量同硬度，實際上可謂九成複刻。據報產品將會以「PlayStation特集本」中附贈，並將會係6月13日發售，售價為稅後2068日元，有黑、藍兩款顏色選擇！其實話需說有兩種顏色，實際上都差唔多顏色區分著重係內裡呈現，打開PS浮水印的部份就係顏色的唯一差別，黑色就係黑色的LOGO，相反藍色就會係藍色LOGO，其餘結構造型一樣。

至於作為一個收納袋的實際作用，官網就展示多種收藏物品的應用圖，成個收納袋大小為265x50x185mm，體積雖然唔算太大但同一台遊戲主機一樣，要攜帶外出的話可以考慮放家人的化妝品或小物品，當然作為裝飾都完全唔會有問題，係實用中帶點回憶，回憶中又帶可愛！絕對玩得過！