好多人都未買到PS5，但網上居然傳出第一個PC平台PS5模擬器「Kyty」未來可以模擬PS5同模擬PS4？放心呢個咁震撼模擬器原來只係處於非常早期的開發階段，據知「Kyty」如今只可以運行簡單PS4遊戲，暫時都無法顯示/運行任何PS5遊戲！至於未來如果能夠大鑼大鼓模擬Ps5玩到遊戲，相信只可能係被SONY收購左！今時今日玩遊戲機必須跟正版遊戲已經係世界共識同真理，過去改機玩老翻只存在於回憶當中！ 

Sony PS5上市至今已經一年半，係目前世界上最多人想買但又未必個個買得到遊戲主機！不過估唔到當大家都未開始玩PS5時，居然有人話推出PS5模擬器。開發商InoriRus最近發表左首個PC平台的PS5模擬器「Kyty」，據說「Kyty」模擬器好強大，未來不僅可以模擬PS5，仲可以模擬PS4。不過暫時都只是雷聲大雨點小「Kyty」模擬器依然處於非常早期的開發階段，雖然網上演示已經可以運行一小部份較為簡單PS4遊戲例如《Worms W.M.D》。當然佢暫時都未有能力用作運行最新的PS4遊戲，而整體表現依然不盡如人意，同已經非常成熟的PS3模擬器RPCS3相比都仲有相當大的差距。

根據開發商noriRus表示，「Kyty」模擬器缺乏對音頻輸入/輸出、MP4視頻、網絡和多用戶的支援，更加暫時無法顯示/運行任何PS5遊戲。不過「Kyty」已經係目前正在積極開發中的第三個PS4模擬器了，另外兩個PS4模擬器為「Spine」和「GPCS4」，但「Kyty」可以模擬PS5主機呢個概念同野心都已經讓人非常驚訝！

如果想好像過去的蠻荒遊戲世界年代買完主機改一改就有好多唔同的老翻遊戲隨意試玩，我老老實實話你知已經無可能，都係老老實實買返部主機，正正經經買同支持值得支持的遊戲商，做好整個遊戲產業界啦！否則成個遊戲業俾你搞軭晒就唔好啦！