{ SKIP }
文:MenClub 艾力克  
POSTED ON 06 May 2022

雖然目前冇確實證據證明外星人存在,但如果真係有外星嘅話,人類又應唔應該主動聯絡佢哋?

據外媒《New York Post》報導,NASA科學家正著手一項名為「Beacon in the Galaxy(BITG)」嘅計劃,旨在向外太空發送信息,希望有朝一日能被外星人接收,從而與人類展開聯繫。科學家將基本數學及物理概念、地球生命生化成份、太陽系及地球表面數碼化描述、已知球狀星團位置、人類形像及DNA結構等信息,透過二進制編碼形式發送,若然外星人成功解碼,就會得到多張像素化插圖,其中一張更係一男一女裸體圖片。

(圖片截自:A Beacon in the Galaxy

事實上,人類好多年前已經試圖聯繫外星人,NASA早喺70年代所發射嘅無人太空船「Pioneer 10(先鋒10號)」,機身上就有一塊鍍金鋁板刻上一男一女裸體圖像,以及一系列有助推斷太空船發射位置及日期嘅物理信息,如同太空版本嘅漂流瓶,希望外星人「執到」之後可以聯絡人類。後來NASA甚至整咗隻「金唱片」射上太空,入面收錄多達55種語言歌曲以及各種大自然聲音(動物叫聲、風聲、海浪聲),希望向外星人介紹人類所身處嘅世界。

安裝在Pioneer 10機上的鍍金鋁板。

旅行者金唱片(Voyager Golden Records)

資料來源:New York Post
Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025