{ SKIP }
文:MenClub 魏文青  
POSTED ON 20 Apr 2022

近日一名香港演員因為「塗黑」自己去演菲律賓裔角色而被罵,而於動畫圈中亦有類似嘅事情發生。由遠藤達哉創作嘅漫畫《SPY x FAMILY》動畫版近日開始播放,但外國觀眾就批評作品沒任何黑人或同性戀角色,而指作品「種族歧視」;另一邊廂,又有人自行「塗黑」動畫中嘅角色,結果同樣被罵。

先交代少少作品設定。《SPY x FAMILY》故事發生於充滿冷戰時期東西德影子嘅「東、西國」之中,講述西國間諜「黃昏」為咗完成任務,與一名有超能力嘅孤兒女童「安妮亞」,以及戰鬥力超高、但平時非常溫柔呆萌嘅女殺手「約兒」組成一個大家都唔知對方真實身份嘅臨時家庭,並一邊試圖完成任務,一邊經營家庭。

圖片:截圖自ecco2kluvrr on TikTok

但呢套輕鬆家庭喜劇就於歐美引起種族歧視嘅話題。先係於TikTok上嘅「ecco2kluvrr」發文「批評」《SPY x FAMILY》「點解冇黑人角色?幾乎所有角色都係白人而且異性戀 (Straight)」,留言就話「咁樣非常狹隘而且種族歧視」。另外佢亦拎動畫中「爸爸」黃昏帶安妮亞去整校服,安妮亞被裁縫拖去度身時對黃昏講嘅一句「我要被人賣走了」,話係「鼓勵拐帶兒童」。由於佢嘅言論實在太荒謬,被其他網友嘲笑之餘,亦有人質疑佢係咪「假膠」。

另一邊廂,於Twitter有近三萬個Followers嘅「SoulKingLives」就上傳咗一批日本動畫作品嘅「Fixed Art」。所謂「Fixed Art」係「二次創作」嘅一種,透過修改其他人嘅作品,令其變成 (二創者認為嘅)「政治正確」。而「SoulKingLives」就將黃昏變成一名卷髮黑人、亦將安妮亞變成黑人女童。另外佢亦曾「修改」《國王排名》等作品中嘅角色。

有部份網民就認為「SoulKingLives」嘅作品非常偽善,質問如果當年白人將自己塗黑去扮黑人係有問題,咁依家你將本來就唔係黑人嘅角色塗黑點解又可被接受。當然,亦有人認為「SoulKingLives」創作沒有問題。

Robert Downey Jr. (RDJ) 以及 Ryan Reynolds都係充滿個人魅力及性格嘅當紅演員,不過或者就係因為佢哋太有性格,所以近日就傳出二人於《Avengers: Doomsday》嘅片場中炒大鑊,甚至要Marvel介入先平息事件。另一方面 ...
hobby
【影視】網傳RDJ與死侍於《Doomsday》片場炒大鑊 消息人士闢謠:「佢兩個都無見過面」
28 Aug 2025
1 最近一款以港式警匪片為題材嘅雙人合作遊戲《港警成雙:來自城寨》公開首部預告,除咗還原出舊式唐樓、九龍城寨、霓虹街道等香港特色場景,仲要有爆晒粗嘅粵語配音對白,而且兩位主角仲有啲似甄子丹同劉德華... ...
hobby
【電玩】 雙人合作遊戲《港警成雙:來自城寨》預告公開 港產警匪片劇情+粵語配音+港式武打
27 Aug 2025