過去將電玩或卡通改編成電影嘅著實唔少，最終因為同原作差異較大都以失敗居多，不過近日又有一款經典電玩被導演睇中，講緊嘅就係任天堂著名遊戲《任天堂明星大亂鬥》。

據消息指，隨住《超音鼠》電影嘅成功，導演Jeff Fowler有指已經睇中《任天堂明星大亂鬥》呢隻Game，有意將佢製作成電影。

《任天堂明星大亂鬥》係一款匯集大量任天堂角色嘅格鬥遊戲，其中遊戲角色來自包括《街頭霸王》、《超音鼠》、《Super Mario》等等，對此Fowler表示無野比將所有角色投入去進行混戰更加有趣，試諗下將Mario及超音鼠放上擂台，誰勝誰負相信大家都想知道。

當然，如果可以將呢款遊戲電影化，一定令唔少人感興趣，不過Fowler首要面對嘅係點樣取得咁多角色嘅使用權，同時又要將完全唔同畫風嘅角色放埋同一個大銀幕上，呢一切都絕對考起Fowler嘅功力了。