喺天災與人禍之下，相信大家呢幾個月都冇咩地方好去、冇咩活動可以做，既然係咁，不如襯呢個時間學啲嘢增值自己？放心，我唔會叫大家去學投資、去讀個遙距課程，我介紹大家學嘅簡單好多——學魔術！仲係有個身材超爆好嘅日本女魔術師黎教你！

講緊嘅就係呢個日本YouTube頻道「マジック種明かし教室 (魔術揭秘教室)」啦！呢個頻道主要係由唔出樣嘅主持人「マジコ」教大家一啲小魔術，例如銀紙變成口罩、硬幣變唔見、飄浮嘅銀紙等，全部都係用普通生活用品 (但可能要自己準備一下)，而且簡單易學，一條片教成五、六個，學識一條片入面嘅魔術就可以慢慢表演畀朋友睇啦！佢啲片可以有成200萬觀看一定係因為大家都學到嘢啦……？

無可否認，「マジコ」嘅教嘅魔術的確係簡單易明，但我就唔認為呢個世界上有咁多人想學魔術，我甚至夠膽斷言，絕大部觀眾都係同你我一樣，當初只係見到「マジコ」嘅某個部份非常驚人，所以先至撳入去睇，就正如某位觀念留言話：「魔術表現好好、手指都好靚，作為觀眾嘅注意力不停被某一處所吸引」。