大家有冇諗過有日可以遠離繁囂，徒步浪跡天涯呢？最近拉脫維亞一間工作室就發明咗部水陸兩用露營三輪車，既係船又係車，滿足大家嘅冒險需求。

呢部由名為「Z-Triton 2.0」嘅水陸兩用露營三輪車由拉脫維亞工作室Zeltini製作，靈感嚟自設計師Aigars Lauzis從英國倫敦踩單車到日本東京嘅經歷，路途上所遇到嘅無位放行李、無法過河、風餐露宿等一系列問題，都促成咗呢件產品誕生。

車體主要由玻璃纖維及鋼架組成，而且大部份零件都由生物塑膠3D打印，非常環保。並配備電動摩打及電池，喺三輪車模式下能夠行駛50公里，水上模式則可航行20公里，改變水上/陸上模式只需5分鐘就搞掂，車內亦有燈光照明、GPS、音響、USB充電等系統。聽落就係可以一車走天涯，營露、釣魚、遊船河通通都得！目前已接受預訂，售價為14500歐元（約12.6萬港幣），2023年出貨。