{ SKIP }
文:MenClub 摯樂  圖:互聯網
POSTED ON 24 Feb 2022
【諷刺】Tesla違反美國空氣污染法排放有毒氣體被美國能源局罰款27.5 萬美元

Tesla宣佈接受美國能源局處罰,將會交濕濕碎27.5 萬美元罰款,不過作為環保和零排放電動車企,違反美國空氣污染法排放有毒氣體相當諷刺!能源局指出,Tesla因為違反國家有毒氣體排放標準(National Emissions Standards for Hazardous Air Pollutants)而受罰。原來Tesla加州費列蒙工廠 2016 年 10 月到 2019 年 9 月之間,因為車輛焗漆產生之有毒氣體,包括甲醛、乙苯、焦油腦和二甲苯大超標,危害附近居民健康。對此Tesla指已完全糾正錯誤,佢地會從一年盈利23 億美元中貢獻27.5 萬美元交罰金!



Tesla作為電動車企一直以環保和零排放作為核心賣點,不過原來佢地都會有污染空氣弊病,其電動車工廠就可能因為疏忽完全無理會生產過程中產生空氣污染而被定罪罰款!今次受罰對象源自Tesla加州費列蒙工廠。據能源局發現係現場檢查過程中,工廠唔單止係塗裝焗漆時完全無注意有毒氣體排放,包括儲存和備料階段,都無設置能夠減少有毒氣體排放所需技術及設備。除左眼見技術問題,Tesla工廠無按月申報有毒氣體排放數據,甚至關於焗漆產生的有毒氣體排放記錄和比例,Tesla都無妥善保存。能源部認為其產生之有毒氣體,包括甲醛、乙苯、焦油腦和二甲苯超標,可能危害週遭居民健康。結果Tesla被裁定違反國家有毒氣體排放標準(National Emissions Standards for Hazardous Air Pollutants),因此受罰。


今次並非Tesla第一次因為空氣污染法被開罰單,早係2019 年加州廠就因為固體有毒廢棄物排放不符合標準,支付左 3 萬美元罰單,同時仲要替費列蒙消防隊購置 5.5 萬美元裝備作為補償。不過今次能源局公告中指出,其長期監管已經收到成效,Tesla已經改善左所有相關違規事項,目前一切都符合規定。另一邊Tesla的歐洲德國車廠都係舉步維艱一波三折,對比返中國建廠的神速,歐洲人實在是太多規矩了!

Robert Downey Jr. (RDJ) 以及 Ryan Reynolds都係充滿個人魅力及性格嘅當紅演員,不過或者就係因為佢哋太有性格,所以近日就傳出二人於《Avengers: Doomsday》嘅片場中炒大鑊,甚至要Marvel介入先平息事件。另一方面 ...
hobby
【影視】網傳RDJ與死侍於《Doomsday》片場炒大鑊 消息人士闢謠:「佢兩個都無見過面」
28 Aug 2025
1 最近一款以港式警匪片為題材嘅雙人合作遊戲《港警成雙:來自城寨》公開首部預告,除咗還原出舊式唐樓、九龍城寨、霓虹街道等香港特色場景,仲要有爆晒粗嘅粵語配音對白,而且兩位主角仲有啲似甄子丹同劉德華... ...
hobby
【電玩】 雙人合作遊戲《港警成雙:來自城寨》預告公開 港產警匪片劇情+粵語配音+港式武打
27 Aug 2025