{ SKIP }
文:MenClub 魏文青  
POSTED ON 24 Feb 2022

連載漫畫家嘅生活一向非常忙碌,甚至有唔少著名漫畫家長年累月每日足不出戶不停畫,每日都係瞓3、4個鐘,真真正正係用生命在創作——當然亦有啲漫畫家係乾脆唔畫。但與此同時,亦有一部分漫畫家係「時間管理大師」,唔單止能過正常生活,甚至仲有時間去搞其他創作,好似《FAIRY TAIL魔導少年》嘅作者真島浩就係其中之一啦!

真島浩老師以《聖石小子》、《FAIRY TAIL》等作品為人熟知,目前亦於《週刊少年Magazine》上連載《EDENS ZERO》。但與一般大眾認為、瞓都冇得瞓嘅漫畫家生活不同,真島浩老師似乎有非常多空閒時間。除咗非常鍾意打機之外 (特別熱愛《芒亨》),佢於去年12月中更宣佈「因為得閒所以開始製作遊戲」,仲發佈咗幾張開發圖,睇黎就好似係一隻以《EDENS ZERO》蕾貝卡為主角嘅解謎遊戲,預計今年上半年就可以完成,並會免費開放畀大眾遊玩。

點知過咗兩個月多啲,真島浩老師昨日就於Twitter上宣佈,隻Game已經開發完成,好快就會推出畀大家玩。雖然話隻Game可能好簡單,流程可能好短,但消息一出可謂震驚日本網民:原來漫畫家原來可以一路連載、一路得閒到有時間自己學整Game、仲要比預期早勁多完成,真係唔知應該話真島浩老師快手,定係話某位一直休刊嘅漫畫家太懶啦。

1 最近一款以港式警匪片為題材嘅雙人合作遊戲《港警成雙:來自城寨》公開首部預告,除咗還原出舊式唐樓、九龍城寨、霓虹街道等香港特色場景,仲要有爆晒粗嘅粵語配音對白,而且兩位主角仲有啲似甄子丹同劉德華... ...
hobby
【電玩】 雙人合作遊戲《港警成雙:來自城寨》預告公開 港產警匪片劇情+粵語配音+港式武打
27 Aug 2025
Konami人氣恐怖遊戲系列《Silent Hill(鬼魅山房)》事隔十多年再推真人版電影!今次《Return To Silent Hill》將改編自原作第二部遊戲,帶領觀眾再次回到被迷霧籠罩嘅詭異小鎮,預計2026年1月23在美國上映。 ...
hobby
【影視】改編自原作第二部遊戲!真人版電影《Return To Silent Hill》前導預告出爐
27 Aug 2025