根據Marvel電影設定，「雷神之錘」Mjölnir由一顆垂死恆星核心鍛造而成，力量強大無比，只有符合資格嘅人先拎得起，但最近LEGO就透過積木還原呢件所向披靡嘅神器，就算一般人亦可以輕易拎起！

呢款模型由979塊零件組成，組裝完成後高約46cm、寬29cm，而且錘子部份採用中空設計，能夠將附盒附送嘅無限手套、宇宙魔方、奧丁之火小模型，或者手持雷神之錘嘅Thor人仔收埋喺入面。另外，模型亦包含一個帶有「Mjölnir」及「Infinity Saga」字樣嘅特製展示座。

「76209 Thor's Hammer」售價為US$99.99（約HK$780），預計3月1日於美國LEGO官網發售。