據調查機構App Annie最新報告，去年前10大流動優先（Mobile first）國家，每位用戶平均每日會花費4.8小時使用智能電話等流動裝置，比前年增加30%創歷史新高，唔知大家每日用電話嘅時間係高於定低於平均值呢？

App Annie表示由於疫情影響，令更多人使用流動裝置工作、學習、購物及娛樂等等，無論喺行動裝置花費嘅時間、金錢支出都比前年同期增加，其中巴西、印尼及南韓用戶更係每日平均花費5小時或以上喺流動裝置。

（圖片截自：App Annie）

至於大家花咁多時間究竟睇啲咩呢？報告就提到主要係使用社交及影音Apps，用戶每睇10分鐘電話，平均有7分鐘都係睇緊上述嘅Apps。同時又提到，各個年齡層常用嘅Apps都大有不同，以美國為例，Z世最鍾意IG、TikTok、Snapchat；千禧世代最鍾意Facebook、Messenger、Amazon；X世代及戰後嬰兒潮用戶就鍾意The Weather Channel、Amazon Alexa等等。