如果想邊打機邊食薯片應該點算？最近外國玩家Akaki Kuumeri就透過3D打印，製作出一款DualSense手掣特殊配件，等大家可以用一隻手就撳得晒所有按鍵！

配件主要由兩部份組成，一部份用作控制搖捍及R/L鍵，而另一部份就用作控制十字鍵，具體工作原理可以參考示範影片，而且作者仲好大方咁將3D打印檔案公開，任由有興趣嘅朋友下載。

作者亦親自實測過用配件單手玩《GTA 5》、《Rocket League》、《如龍0》等遊戲，甚至左右開弓同時操控兩個手掣，遊玩2021年度冠軍雙人遊戲《It Takes Two》。順帶一提，由於官方一直未有推出相關配件，今次Akaki Kuumeri呢個設計成功令唔少殘疾人士能夠享受遊戲嘅樂趣。