當成個世界都期待緊Marvel嘅超級英雄電影《Avenger: Age of  Ultron》，仲有有人記得我哋細個時接觸嘅「超級英雄」，其實係Superman同Batman？身為美國漫畫界另一巨頭，DC又點會睇住Marvel搶哂全部目光而咩都唔做呢！所以就喺呢個《Avengers: Age of Ultron》上映前一個星期嘅「巧妙」時間，DC都公佈咗佢哋第一套誇作品電影《Batman V Superman:Dawn of Justice》的第一條正式預告！

一劈頭就係一段以多人說話剪接而成嘅獨白，意思大概係指人們對於Superman存在於世嘅爭執。有人認為佢係神，做緊正確嘅事；但同時亦有人認為佢只會被世俗腐化，要求他離開。最後在Superman雕像嘅心口出現「False God(假神)」的紅字。

睇完哂成條片，究竟點解Batman同Superman會打起上黎呢？而仲未出場，由Gal Gadot飾演嘅Wonder Woman又會對故事有咩影響？由Jesse Eisenberg飾演嘅大奸角Lex Luthor又會有咩作為？睇黎就要等到下一條片先知啦！

放心，套戲2016先上，有排你等！